Eqikkaaneq

Avatangiisinik misissuineq
Maarmorilimmi aqerlumik zinkimillu piiaavik 1990-mi unippoq. Piiaaffiup eqqaani pinngortitap qanoq innera paasiniarlugu imaq, naasut uumasullu aqerlumik zinkimillu qanoq ako-qar-tiginerat misissuiffigineqartarpoq. 2002-mi ingerlanneqartut misissuinerit inernerat nalunaarusiami uani saqqummiunneqarpoq sumiiffimmilu pineqartumi avatangiisit naliliiffigineqarlutik. Misissuinerit inerneri saqqummiunneqartut 1975-miit 2000-mut misissuinerit inernerinut naleqqiussuullugit.

Pujoralaat
Pujoralak aqerlumik zinkimillu akulik piiaaffiusimasumiit qanoq siammarsimatiginerat paasiniarlugu Marmoriliup eqqaaniittut orsuaasat sneskruslavit katersorneqarput aqerlumik zinkimillu qanoq akoqartiginerat misissoqqissaarneqarluni. Orsuaasat taak-ku inuussutissartik silaannarmiit taamaallaat pisarmassuk pujoralak tuttoq qanoq annertutiginersoq taakku misissornerisigut uuttorneqarsinnaavoq. Orsuaasat nuunneqarsimasut saviminissamik qanoq akoqartiginerisa uuttorneratigut nalilerparput orsuaasat Affarlikassaanut Qaamarujummullu nuunneqarsimasut akuat aqerloq qaffariarsimasoq - Perlerfiulli Kangerluata iluatungaani silataa-tu-ngaanilu taamaagani. Aamma aqerlumik mingutitsinermit zinkimik mingutsitsineq annikinneruvoq. Orsuaasat aqerlumik zinkimillu akoqarnerat qanoq allanngoriartorsimanersoq piffissami 1997-miit 2002-mut erseqqissumik takussutissaqanngilaq.

Imaq
Imaanik mingutsitsineq piiaaviup matuneratigut malunnartumik annikillisimavoq. Pit-sar-lukut kiisalu aatsitassap suliarineqareerluni sinnikui Affarlikassaata qinngua-niittut aqer-lumik annikitsunnguamik tunioraapput - aatsitassarsiorfiullu ammanerata nalaa-nut sanilliullugu annikinnerungaatsiartumik zinkimik aamma tunioraasoqarluni. Kanger-luup naqqata imartaani aqerloq 1988-1989-mut sanilliullugu 1000-teriaammik an-nikin-neruvoq, zinkilu 14- eriaammik annikinnerulluni. Affarlikassaata Qaama-rujuul-lu imartaata qalliup saviminissamik akoqarnera malunnartumik annikilleriarsimavoq. Affarlikassaa-ni immap qalliup aqerlumik zinkimillu akoqarnerata annertuseriarsimanera 2002-mi uppernarsineqarsinnaasimanngilaq taamaapportaarlu piffissami 1999-2000-mi.

Equutit
Immap naasui tinittarnerani naasartut, Brunalgerit, tamaani immap akuanik aqerlumik milluaasarput taamaasilluni immap qanoq mingutsinneqarsimatigineranut uuttuutaa-sin-naallutik. Aqerloq equutiniittoq 2000-miit 2002-mut allanngorpiarsimanngilaq zink-imili annikillisimalluni. Piffissaq misissuiffiusoq (1982-2002) tamaat isigissalugu aqer-loq zinkilu equutiniittoq annikillisimavoq, zinkimullu sanilliullugu aqerloq annikin-neru-ler-simalluni. Piiaaffiup 1990-mimatunerata kingorna sumiiffinni amerlanerni, pingaartu-mik Affarlikassaani, Maarmorilimmut qanittumi aammalu Inngilip Qernertup ataani equutit akuat aqerloq zinkilu malunnaatilimmik appariarsimavoq, malunnaateqarnerpaalluni aqerlup annikillisimanera. Piiaaffiulli matunerata kingorna sumiiffinni arla-lin-ni zinkip naammat-tuugassaasup annertussusaa suli allannguuteqanngilaq pineqartut tassaanerullutik Qaamarujuup qinnguatungaa kangerluullu taassuma avannamut sineriaa.

Uillut
Uillut Blåmuslingit tinnittarnermiittut imaaniit qeqqussaniillu saviminissamik milluaa-sar-put. Uillut Affarlikassaani, Qaamarujummi Perlerfiullu Kangerluani 2002-mi kater-sor-neqartut akuat aqerloq annertusisimavoq. Uillut zinkimik akoqarnerulersimasut Qaamarujummi kisimi naammattuugassaapput. Uillut aqerlumik zinkimillu akuat ukiut ingerlaneranni annikilliartorsimavoq aqerlumilli akuat arriitsumik appa-riar-tor-luni, tassa aqerloq uilluniileraangami kataqqissinnaasanngimmat. Misissuinerit taku-tip-paattaaq uillut blåmuslingit nutaat mikisut utoqqanngortunut anginernullu sanilliullugit annikinneralaarsuarmik aqerlumik akoqartut. Qanoq mingutsinneqarsimatiginerat uuttortarneqartarpoq uillut blåmuslingit mingut-sin-neqarsimanngitsut Maarmoriliup eqqaanut nuunnerisigut sivikinnerpaamillu ukiup ataatsip qaangiunnerani aqerlumik zinkimillu qanoq akoqartigilersimanerisa misis-sorneratigut. Misissuinerit taakku takutippaat piiaaffiup matureerneratigut suli mingutsitsineqartoq, tamannali annikilliartortoq piiaanerullu nalaani mingutsitsinermut sanil-liul-lugu annikinneralaarsuulluni.

Aalisakkat raajallu
Aqerloq ammassanni, qeeqqani kanassunilu Maarmoriliup eqqaani 2002-mi pisarine-qar-tuni naammattuugassaasoq annikippoq. Qeeqqat kanassullu tingui misissor-neqar-tarput aqerlumik mingutsitsineq piffissap ingerlanerani qanoq issikoqarnersoq paa-si-niar-lugu. Aalisakkat taakku Marmoriliup eqqaani pisarineqartut aqerlumik ako-qar-ne-rat 2002-mi annertuseriarsimavoq. Annertussusaa piiaaffiup matunerata kingorna piiaaffiullu ingerlanerani ukiuni kingullerni naammattuugassaasup taamaaqatigaa. Sumiiffinnut sanillersuunneqartunut sanilliullugu Qaamarujummi raajat akuat aqerloq 2002-mi qaffariarsimavoq nerpianut sanilliullugu niaquani qaleruaanilu aqerloq naammattuugassaanerulluni. Piffissaq 1988-2002 ataatsimut isigalugu aqerloq naammattuugassaq annikinneruleriartorpoq pingaartumilli piffissap aallartisimalernerani annikinnerulluni.

Peqqissutsimut sunniutaasinnaasut
Maarmoriliup eqqaani uumassullit imaaniittut ilaasa aqerlumik akoqarnerat annertu-sisi-ma-ga-luartoq (2002) tamanna inuit peqqissusaannut ulorianaateqarsorinanngilaq. Taak-ku-nun-nga ilaanngillat uillut blåmuslinger, tassa Affarlikassaani, Qaamarujummi Perlerfiullu Kangerluaniittut uillut aqerlumik ima suli akoqartigaat katersorneqarlutik nerine-qarnissaat kaammattuutigineqarani.

Ataatsimoortumik naliliineq
2002-mi misissuinerit takutippaat Maarmoriliup eqqaani suli - aamma piiaaffiup 1990-mi matuneqarnerata kingorna - mingutsitsiviusunik peqartoq taamaattoqarneratigullu sumiiffiit ilaanni aqerlumik zinkimillu mingutsitsineq annertuseriarsimasoq uuttortar-neqarsinnaalluni. Ukiulli ingerlaneranni mingutsitsineq ataatsimut isigalugu malunnar-tumik appariarsimavoq, pingaartumik 1990-mi piiaaviup matunerata kingorna, sumiif-fiillu aqerlumik zinkimillu mingutsinneqartut annikilliartuinnarput.

Hele rapporten i pdf. format (927 KB)